काठ्माण्डौ
प्रधानमन्त्री पुष्पकमल दाहाल प्रचण्डले राम्रो काम गरिरहेकोले आफू नेतृत्वको सरकारलाई अहिले कसैले ढाल्न नसक्ने दृढता व्यक्त गरेका छन् । उनले सरकारले राम्रो काम गर्दागर्दै कसले हटाउँदो रहेछ भनेर जनताले हेरिरहेको पनि बताए ।
समाजवादी मोर्चाले सुर्खेतमा बिहीबार गरेको सन्देश सभालाई सम्बोधन गर्दै प्रधानमन्त्री प्रचण्डले सत्ता टिकाउनका लागि सम्झौता नगरिरहेको बताए । सरकार गठनको ८ महिनासम्म राम्रो काम गरिरहेको र राम्रो गर्दागर्दै कसले हटाउँदोरहेछ भनेर हेरिरहेको बताए ।
आफूलाई व्यक्तिगत स्वार्थ केही पनि नरहेको उनको भनाइ थियो । ‘मलाई केही लिनु छैन, केही दिनु छैन । जे छ राष्ट्र र जनताको लागि, क्रान्ति र उपलब्धि रक्षाको लागि हो । यो सरकार कतिसम्म चल्छ मलाई टेन्सन छैन । सरकार टिकाउन यस्तो गर्यो र उस्तो गर्यो भन्छन् त्यो वाहियात हो’, उनले भने, ‘राम्रो काम गर्छु । जनताले हेरिरहेका छन्, राम्रो काम गर्दागर्दै कसले हटाउँदो रहेछ हेर्छु ।’
सरकारले भ्रष्टाचारविरुद्ध चालेको कदम नरोकिने र पक्षपात नहुने प्रधानमन्त्री प्रचण्डको भनाइ छ । ‘भ्रष्टाचारका विरुद्ध, सुशासनका पक्षमा अभियान चालिएको छ । यो रोकिनेवाला छैन’, उनले भने ।
सम्बन्धित खबर
नेपाल आदिवासी जनजाति महासंघ युएईको पहिलो बार्षिक साधारण सभा सम्पन्न
दुबई | बरदुबई स्थित एभरेस्ट क्लब याक एण्ड यतिको हलमा अध्यक्ष बिक्रम पंधाक लिम्बु ज्युको सभापतित्वमा पहिलो बार्षिक साधारण सभा…
कांग्रेस निर्णय : कोषमा ५० लाख जम्मा गर्ने, उपनिर्वाचनको तयारी थाल्ने
काठमाडौं । सत्ता साझेदार नेपाली कांग्रेसले मङ्सिर १६ मा हुने स्थानीय तह उपनिर्वाचनका लागि दल दर्ता गर्ने निर्णय गरेको छ…
आज दुईवटा संसदीय समितिको बैठक बस्दै
काठमाडौं । संघीय संसद्अन्तर्गत दुई वटा संसदीय समितिको बैठक आज बस्दै छ । संसद् सचिवालयका अनुसार आज सार्वजनिक नीति तथा…