काठमाडौं । सर्वोच्च अदालतको न्यायाधीश पदमा नियुक्तिका लागि सिफारिस गरिएको न्यायाधीश विनोद शर्मा विरुद्ध १० दिने उजुरी आह्वान भएको छ ।
आज प्रतिनिधि सभा अन्तर्गत संसदीय सुनुवाइ विशेष समितिको बैठकले शर्मा विरुद्ध १० दिनको म्याद राखेर उजुरी आह्वान गर्ने निर्णय गरेको हो ।
बैठकमा संसदीय सुनुवाई समितिका सभापति पशुपतिशमशेर जबराले प्रस्तावित व्यक्तिको नियुक्तिको सम्बन्धमा उजुरी माग गर्ने सम्बन्धी सूचना प्रकाशन तथा प्रशारण गर्न समिति सचिवलाई निर्देशन दिएका छन् ।
उनले भने, प्रस्तावित व्यक्ति प्रस्तावित पदका लागि अनुपयुक्त लागेमा सूचना प्रकाशित भएको मितिले १० दिन भित्र स्पष्ट आधार खोली मर्यादित भाषामा समिति समक्ष सूचना वा उजुरी दिन सरकारी सञ्चार माध्यमहरु मार्फत सूचनाप्रकाशित गर्न प्रस्तावगर्दछु । प्रस्तावित व्यक्तिको नियुक्तिको अनुपयुक्तता सम्बन्धमा उजुरी माग गर्ने सम्बन्धी सूचना प्रकाशन गर्न तथा प्रशारण गर्न समिति सचिवलाई निर्देशन दिन्छु ।
न्याय परिषद्बाट समिति समक्ष भदौ ११ गते पत्रप्राप्त भएको उक्त पदमा सिफारिस भएका पदाधिकारीको संसदीय सुनुवाई प्रक्रिया छलफल गर्न बैठक राखिएको हो ।
उच्चअदालत पाटनका न्यायाधीश (हाल सर्वोच्च अदालतमा काजमा रहेका) ओखलढुंगा घर भएका ६२ वर्षीय शर्मालाई यही भदौ १० गते बसेको न्याय परिषद्को बैठकले न्यायाधीश नियुक्तिका लागि सिफारिस गर्ने निर्णय गरेको थियो ।
नेपालको संविधानको धारा १२९ बमोजिम सर्वोच्च अदालतको न्यायाधीश पदमा नियुक्तिका लागि सिफारिस गरी संसदीय सुनुवाईका लागि लेखी पठाउने भनी न्याय परिषदको भदौ १० मा बसेको बैठकबाट निर्णय भएकाले नेपालको संविधानको धारा २९२ अनुसार संसदीय सुनुवाईका लागि समितिमा ल्याइएको हो ।
गत वर्ष भदौमा पनि उनको नाम सिफारिस भएको थियो । त्यतिबेला संसदीय सुनुवाइ हुन नसकेका कारण उनको न्यायाधीश नियुक्ति प्रक्रिया अघि बढेको थिएन । तर यही भदौ १० गते बसेको न्यायपरिषद् बैठकले उनलाई पुनःन्यायाधीशमा सिफारिस गरेको थियो ।
सम्बन्धित खबर
जनता डुबाउन राष्ट्र बैंक आफैं तत्पर, एकातिर निक्षेपको जिम्मा लिने आश्वासन अर्कोतिर फिर्ता कहिले पाउने छैन टुंगो
काठमाडौँ - नेपाल राष्ट्र बैंकका गर्भनर महाप्रसाद अधिकारीले केही दिनअघि एक सार्वजनिक कार्यक्रममा भने, ‘बैंक डुब्यो भने बचतकर्ताको रकमको जिम्मा…
पर्यटक प्रहपर्यटक प्रहरीलाई स्रोत र साधन सम्पन्न बनाउँछौँ : मन्त्री पाण्डेरीलाई स्रोत र साधन सम्पन्न बनाउँछौँ : मन्त्री पाण्डे
काठमाडौँ- संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले पर्यटक प्रहरीलाई समयानुकूल स्रोत र साधन सम्पन्न बनाइने बताउनुभएको छ। ४६औँ पर्यटक…
काठमाडौँ प्रहरी प्रमुखमा अधिकारी र अपराध महाशाखामा बस्नेत
काठमाडाैँ । नेपाल प्रहरीका १८ जना वरिष्ठ उपरीक्षक (एसएसपी) को सरुवा भएको छ । प्रहरी प्रधान कार्यालयको मानव श्रोत विभागले…