काठमाडौं।
नेपाल स्वयंसेवी रक्तदाता समाजका केन्द्रीय अध्यक्ष एवं हालैमात्र “रक्तदाता सम्राट्” र “राष्ट्रिय रक्त नायक”बाट बिभूषित स्वयंसेवी शतक रक्तदाता प्रेमसागर कर्माचार्यकाे प्रमुख आतिथ्यतामा प्युठान काठमाडौं नेवा: समाजद्वारा प्रथम पटक रक्तदान कार्यक्रमकाे आयाेजना सम्पन्न भएको छ ।
प्युठान काठमाडौं नेवा: समाजका सचिव रामजी लाल श्रेष्ठबाट उद्घाेषण गरिएको साे कार्यक्रमकाे उद्घाटन प्रमुख अतिथिबाट बर्न हस्पिटलका डा. किरण नकर्मीलाई रक्त संकलन थैली हस्तान्तरण गरी गरिएको उक्त कार्यक्रममा अतिथिहरू क्रमशः नेपाल स्वयंसेवी रक्तदाता समाज डाेटी जिल्ला शाखाका अध्यक्ष सुशील घर्ती,डाेटेली समाजका अध्यक्ष जगदीश के.सी.,नेपाल रेडक्रस साेसाइटी केन्द्रीय रक्त सञ्चार सेवाका जनसम्पर्क अधिकृत राम श्रेष्ठ र प्युठान काठमाडौं नेवा: समाजका निवर्तमान अध्यक्ष लालचन प्रधान रहेका थिए ।संस्थागत बिशेष सहयोग गर्ने नेपाल स्वयंसेवी रक्तदाता समाज ३० नं. वडा नगरसमिति,युनाइटेड क्लब र नेपाल स्वयंसेवी रक्तदाता तारकेश्वर नगर समितिलाई धन्यवाद-पत्र प्रदान गरि धन्यवाद ब्यक्त गरेका छन ।
उक्त विशेष रक्तदान कार्यक्रममा प्रमुख अतिथि कर्माचार्यलाई प्युठान काठमाडौं नेवा: समाजका अध्यक्ष रूद्रकुमार श्रेष्ठले सम्मान-पत्र प्रदान गरि मैतिदेवीकाे प्राङ्गणमा सार्वजनिक सम्मान गरिएको थियो । साथै प्युठान काठमाडौं नेवा: समाजका अध्यक्ष एवं कार्यक्रमका सभापति श्रेष्ठले प्रमुख अतिथिलाई प्युठानकाे स्मरण हुनेगरि “प्युठानी बाघमुखे चुलेसी” विशेष प्रकारको मायाकाे चिनाे उपहार स्वरूप प्रदान गरेका थिए। सहभागी स्वयंसेवी रक्तदाताहरूलाई प्रमुख अतिथिले प्रमाण-पत्र बितरण गरेका थिए । रामचन्द्र श्रेष्ठकाे संयाेजन रहेकाे साे बिशेष रक्तदान कार्यक्रममा महिला-पुरूष गरि जम्मा ६२ जनाले रक्तदान गरेका थिए ।
सम्बन्धित खबर
गल्याङ नगरपालिकामा नगरकी छोरी कार्यक्रम सुभारम्भ
स्याङ्जा स्याङ्जाको गल्याङ नगरपालिकाले नगरकी छोरी कार्यक्रम सुरु गरेको छ । नगरपालिकाले महिला शसक्तिकरणका लागि छुट्याइएको बजेटबाट नगरकी छोरी कार्यक्रम…
एनआरएनए अध्यक्ष आरके शर्मा र महासचिव बुद्दी सुवेदीद्वारा परराष्ट्रमन्त्रीलाई ५ बुँदे ज्ञापनपत्र
काठमाडौँ । गैरआवासीय नेपाली संघ (एनआरएनए) का अध्यक्ष आरके शर्मा र महासचिव बुद्दी सुवेदीद्वारा हस्ताक्षरित पाँच बुँदे ज्ञापनपत्र बिहिबार परराष्ट्रमन्त्री…
सडक बत्तीको लाइन काटिएपछि असुरक्षा
रौतहट । नेपाल विद्युत प्राधिकरण चन्द्रपुर वितरण केन्द्रले सडकबत्ती (टावर लाइट) को लाइन काटेपछि वडावासी समस्यामा परेका छन् । चन्द्रपुर…
