काठमाडौं । सूचनाको हकका लागि राष्ट्रिय महासंघले ‘सूचनाको हकका लागि प्रथम राष्ट्रिय सम्मेलन २०८०’ को आयोजना गर्ने भएको छ । बुधबार काठमाडौंमा पत्रकार सम्मलेन गर्दै महासंघले ‘सूचनाको हकका लागि प्रथम राष्ट्रिय सम्मेलन २०८०’ आयोजना गर्न लागेको जानकारी दिएको हो ।
सूचनाको हकका लागि राष्ट्रिय महासंघका अध्यक्ष उमीद बागचन्दले नेपालको संविधानको धारा २७ सूचनाको हक सम्बन्धी ऐन २०६४, नियमावली २०६५ कार्यविधि एवं निर्देशिका समेत स्थापित हुँदा पनि तीनै तहको सरकारले यो विषयलाई आफ्नो बजेट नीति तथा कार्यक्रममा प्राथमिकतामा नपारिएको बताए । उनले सूचनाको हकका लागि राष्ट्रिय महासंघले सूचनाको हकको अभियानलाई तल्लो तहसम्म पु¥याउन र देशभर यसको महत्व र आवश्यकता महसुस गराई आमजनताले समेत सूचना माग्ने वातावरण बनाउन सम्मलेन गर्न लागेको बताए ।
महासंघले आयोजना गर्न लागेको यो पहिलो राष्ट्रिय सम्मेलन २०८० ले सूचनाको हकको क्षेत्रमा कृयाशिल ७७ वटै जिल्लाका अभियानकर्मीहरूलाई हौशला प्रदान गर्ने र यो अभियानले अझै उचाई लिने विश्वास लिएको उनको भनाइ छ । यो सम्मेलन असोज १ गतेदेखि हुँदैछ । पहिलो दिन सम्मेलनका क्रममा तीन फरकफरक विषयमा प्यानल छलफल आयोजना गरिँदै छ । दोस्रो दिन महासंघले आफ्ना नीति, रणनीति विधानमा रहेका व्यवस्थाहरूलाई वृहत रुपमा छलफल गरी रणनीतिक योजना बनाउने छ भने ७७ जिल्ला र प्रदेशबाट आएका प्रतिनिधिको सहभागिता रहेको बन्दसत्रले महासंघको केन्द्रिय समितिलाई पूर्णता दिनेछ ।
सम्बन्धित खबर
विश्वको सवैभन्दा अग्लो पुलमा पर्यटकको भीड
एजेन्सी । चीनले बनाएको विश्वको सवैभन्दा अग्लो पुलमा घुम्न आउने पर्यटकहरुको भीड लागेको छ । चीनका दुईवटा पहाडी प्रान्त…
दशैं लाग्यो, बजारमा चहलपहल बढेन !
काठमाडौँ - नेपालीहरुको महान् चाड विजया दशमी शुरु भएको छ । केही वर्षअघिसम्म दशैं आउन महिनौं दिनअघि बजारमा चहलपहल बढ्थ्यो…
नेपाल आदिवासी जनजाति महासंघ युएईको पहिलो बार्षिक साधारण सभा सम्पन्न
दुबई | बरदुबई स्थित एभरेस्ट क्लब याक एण्ड यतिको हलमा अध्यक्ष बिक्रम पंधाक लिम्बु ज्युको सभापतित्वमा पहिलो बार्षिक साधारण सभा…