ललितपुर
अभिवादन बहुउद्देश्यीय सहकारी संस्था लिमिटेडको साताैं वार्षिक साधारणसभा जीतलाल महर्जनकाे प्रमुख आतिथ्यतामा स्थानीय बुद्ध पार्टी प्यालेस थसिमा आयाेजना गरि सम्पन्न गरेको छ । प्रमुख अतिथिद्वारा पानसमा दीप प्रज्वलन गरि उद्घाटन गरेका थिए । साताैं साधारणसभामा नेपाल स्वयंसेवी रक्तदाता समाजका केन्द्रीय अध्यक्ष एवं हालैमात्र “रक्तदाता सम्राट्” र “राष्ट्रिय रक्तनायक”बाट बिभूषित सर्वाधिक स्वयंसेवी रक्तदाता प्रेमसागर कर्माचार्य विशेष अतिथि ररहेका थिए । साधारणसभालाई संस्थाका उपाध्यक्ष राज महर्जनले स्वागत मन्तब्य दिएका थिए कार्यक्रममा अतिथिहरू क्रमशः सिटिजन लाईफ ईन्स्याेरेन्सका सि.ई.ओ. सुनिल पाेखरेल,सिकाली बहुउद्देश्यीय सहकारी संस्था लिमिटेडका अध्यक्ष तीर्थराम डंगोल,पञ्चशील बहुउद्देश्यीय सहकारी संस्थाका सि.ई.ओ.राजु खतिवडा,राष्ट्रिय सहकारी बैंक,न्यूरोड शाखा प्रमुख रमा घिमिरे र महालक्ष्मी नगरपालिका सहकारी शाखा प्रमुख उर्मिला ढकाल थिए साे साधारणसभाकाे सभापतित्व संस्थाका अध्यक्ष किशोर महर्जनले गरेका थिए ।
अभिवादन बहुउद्देश्यीय सहकारी संस्था लिमिटेडको साताैं वार्षिकोत्सब देखि समाज सेवाकाे क्षेत्रमा बिशेष याेगदान पुय्राउनु हुने एकजना व्यक्तिलाई सम्मान तथा नगद पुरस्कार प्रदान गर्ने निर्णय अनुसार प्रथम पटक नेपाल स्वयंसेवी रक्तदाता समाजका केन्द्रीय अध्यक्ष एवं हालैमात्र “रक्तदाता सम्राट्” र “राष्ट्रिय रक्तनायक”बाट बिभूषित सर्वाधिक स्वयंसेवी रक्तदाता प्रेमसागर कर्माचार्यलाई संस्थाका अध्यक्ष किशाेर महर्जनले दाेसल्ला ओढाई सम्मान-पत्र प्रदान गरि सार्वजनिक सम्मान गर्नुका साथै रू. २५०००/-(पच्चीस हजार रूपैञा)काे नगद पुरस्कार स्वरूप डमी चेक उपलब्ध गराएका थिए ।
साथै सम्मानित एवं पुरस्कृत कर्माचार्यले मन्तब्यकाे क्रममा आफूलाई प्रदान गरेकाे उक्त धनराशि नेपाल स्वयंसेवी रक्तदाता समाजकाे रक्तदाता उत्प्रेरणा गतिविधिमा प्रयोग गर्ने गरि संस्थालाई प्रदान गर्ने घाेषणा पनि गरे ।
उपस्थित सदस्यहरू लगायत शेयरधनीहरूका साथै आमन्त्रित पाहुनाहरूकाे मनाेरञ्जनकाे लागि स्थानीय माैलिक तथा ऐतिहासिक पक्ष झल्कने गरि लाखे नाच,धिमे बादनका साथै साँस्कृतिक पहिरणमा गीतहरू,नृत्यहरू र भजनहरू प्रस्तुत गरिएको थियो ।
सम्बन्धित खबर
जनता डुबाउन राष्ट्र बैंक आफैं तत्पर, एकातिर निक्षेपको जिम्मा लिने आश्वासन अर्कोतिर फिर्ता कहिले पाउने छैन टुंगो
काठमाडौँ - नेपाल राष्ट्र बैंकका गर्भनर महाप्रसाद अधिकारीले केही दिनअघि एक सार्वजनिक कार्यक्रममा भने, ‘बैंक डुब्यो भने बचतकर्ताको रकमको जिम्मा…
विराटनगरमा नेपालकै सबै भन्दा ठुलो औद्योगिक प्रदर्शनी हुने
विराटनगर । विराटनगरमा नेपालकै सबै भन्दा ठुलो औद्योगिक प्रदर्शनी हुने भएको छ। माघ ११ देखि २० गतेसम्म हुने आठौ…
ऋण लिईलिई घर निर्माण, तिर्न नसकेपछि न घरको न घाटको
काठमाडौँ - सञ्चारमाध्यमहरुमा दिनहुँ कोही न कोही प्रहरी हिरासतमा पुगेको समाचार आउँछन् । कसैले भने आत्महत्या गरिरहेका छन् भने…