काठमाडौं । उद्योग, वाणिज्य तथा आपूर्तिमन्त्री रमेश रिजालले कालोबजारी गर्नेहरुलाई जेल सजायको व्यवस्था गर्न आवश्यक रहेको बताएका छन् । सोमबार सिंहदरबारमा बसेको विधायन व्यवस्थापन समितिको बैठकमा विद्युतीय व्यापारसम्बन्धी विधेयक, २०८० बारे छलफलमा भाग लिँदै उनले समातिएका ठूला कालोबजारी गर्ने व्यक्तिहरु तीन लाख तिरेर फुत्कने गरेको भन्दै ठगीका घटना न्यूनीकरण गर्न जेल सजायको व्यवस्था गर्न आवश्यक रहेको बताएका हुन् ।
‘५० हजारदेखि तीन लाखसम्मको जरिबाना छ । समातिएका ठूला कालोबजारीहरु तीन लाखै त हो भनेर फुत्किने गरेका छन् । त्यसकारण हामी गम्भीर हुनुपर्छ । कसुर हेरी दुईदेखि १० लाख रुपैयाँ जरिबाना गर्नुपर्छ’ उनले भने, ‘कालोबजारीहरुलाई हामीले केही गर्न सकेनौँ यसपालि । गयो समात्यो, १० हजार २० हजार फाइन गर्यो । ठूलालाई तीनलाख गर्ने हो तर उठाउने ऐन छैन, नदिए कसरी अघि बढ्ने भन्ने छैन । जेलको सजाय राखिएन भने ठूलाठूला ठगी गरेर फुत्कने काम बढी हुन्छ ।’
मन्त्री रिजालले जरिवाना शुल्क बढाउन आवश्यक रहेको धारणा राखे ।
सम्बन्धित खबर
जनता डुबाउन राष्ट्र बैंक आफैं तत्पर, एकातिर निक्षेपको जिम्मा लिने आश्वासन अर्कोतिर फिर्ता कहिले पाउने छैन टुंगो
काठमाडौँ - नेपाल राष्ट्र बैंकका गर्भनर महाप्रसाद अधिकारीले केही दिनअघि एक सार्वजनिक कार्यक्रममा भने, ‘बैंक डुब्यो भने बचतकर्ताको रकमको जिम्मा…
पर्यटक प्रहपर्यटक प्रहरीलाई स्रोत र साधन सम्पन्न बनाउँछौँ : मन्त्री पाण्डेरीलाई स्रोत र साधन सम्पन्न बनाउँछौँ : मन्त्री पाण्डे
काठमाडौँ- संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले पर्यटक प्रहरीलाई समयानुकूल स्रोत र साधन सम्पन्न बनाइने बताउनुभएको छ। ४६औँ पर्यटक…
काठमाडौँ प्रहरी प्रमुखमा अधिकारी र अपराध महाशाखामा बस्नेत
काठमाडाैँ । नेपाल प्रहरीका १८ जना वरिष्ठ उपरीक्षक (एसएसपी) को सरुवा भएको छ । प्रहरी प्रधान कार्यालयको मानव श्रोत विभागले…