काठमाडौं।
‘रमेश बाहुन’ भनेर चिनिएका सुजन पौडेल दुबईमा बसेर व्यवसाय चलाउन थालेका छन् । उनले केहीदिन अगाडी मात्र दुबईमा म्यानपावर कम्पनी खोलेका हुन् ।
‘बाहुन डन’को परिचय बनाएका उनी केही समयअघिमात्रै जेलबाट रिहा भएका थिए। करिब ९ वर्ष २ महिना जेल जीवन बिताएपछि अब उनी व्यवसाय र समाजसेवामा जोडिने अभियानमा लागेको बताएका छन्। ‘दुबईमा अलपत्र परेका नेपालीलाई रोजगारीको लागि सजिलो हुनेगरी मैले यहीँबाट व्यवसाय थालेको हुँ’, उनले भने, ‘बेरोजगार नेपाली युवालाई विदेशमा रोजगारीका लागि हाम्रो कम्पनीले काम गर्नेछ।’
भिजिट भिसामा दुबईमा लगेर कैयौँ एजेन्टहरूले थुप्रै नेपाली युवायुवतीलाई अलपत्र पारेका छन्। त्यहाँबाट युरोप लैजाने भन्दै पछिल्लो समय त्यसरी अवैध तरिकाले दुबई जाने र लैजानेहरूको बिगबिगी बढिरहेका बेला बाहुनको यो कम्पनीले उनीहरूलाई सहजीकरण गर्नेछ।
उनको यो सुजनकुमार ह्यूमन रिरोर्सोज कम्पनीले दुबईबाटै युरोपेली देशमा रोजगारीका लागि जान चाहने नेपालीका लागि पनि सेवा दिनेछ। कम्पनी सुरु गरेसँगै उनले दुबईमा रोजगारी गरिरहेका र त्यहाँ अलपत्र परेका नेपालीका बारेमा अध्ययन पनि सुरु गरेका छन्। उनीहरूको अवस्थाका बारेमा सबै कुरा बुझेपछि कम्पनीले उद्धार र रोजगार खोजीको काम थाल्ने उनले बताए। ‘हामीले भर्खर काम सुरु गरेका छौँ। यहाँ धेरै नेपाली अलपत्र परेका छन्, धेरै नेपालीको रोजाइ पनि दुबई नै परेको छ’, उनले भने, ‘हामीले यहाँका नेपालीको अवस्था बुझिरहेका छौँ र चाँडै नै सबै कुरा पत्ता लगाएर हामीले उद्धार पनि गर्नेछौँ। अनि उहाँहरूको रोजगारीको लागि पनि सहयोग गर्नेछौँ।’
सम्बन्धित खबर
अर्थमन्त्री पौडेलद्वारा उच्चस्तरीय आर्थिक क्षेत्र सुधार सुझाव आयोगका पदाधिकारीलाई नियुक्ति पत्र प्रदान
काठमाडौं । उपप्रधानमन्त्री एवं अर्थमन्त्री विष्णुप्रसाद पौडेलले उच्चस्तरीय आर्थिक क्षेत्र सुधार सुझाव आयोगका पदाधिकारीहरुलाई नियुक्ति पत्र र कार्य शर्त…
आजको तरकारी तथा फलफूलको मूल्य
काठमाडौँ । कालीमाटी फलफूल तथा तरकारी बजार विकास समितिले आज शनिबारको लागि मूल्य सार्वजनिक गरेको छ । जसअनुसार आज मुडेको…
फ्रेन्चाइज ग्लोवलले लियो बाजेको सेकुवाको इन्टरनेसनल फ्रेन्चाइज राइट
काठमाडौं । फ्रेन्चाइज ग्लोवलले बाजेको सेकुवाको इन्टरनेसनल फ्रेन्चाइज राइट लिएको छ । विभिन्न देशका प्रमुख शहरहरुमा २०० ओटा अन्तर्राष्ट्रिय आउटलेट…