काठमाडौं । विश्वकप छनोट फुटबलअन्तर्गत समूह चरणको पहिलो खेलका लागि यूएई जाने राष्ट्रिय टिमको घोषणा भएको छ । शुक्रबार प्रशिक्षक भिन्सेन्जो अल्बर्टो एनेसले २३ सदस्यीय टोली घोषणा गरेका हुन् । प्रशिक्षकले घोषणा गरेको नेपाली टिममा अनुभवी डिफेन्डर अनन्त तामाङ छनोट भएका छैनन् ।
नेपालले कात्तिक ३० गते यूएईसँग यूएइको घरेलु मैदानमा समूह चरणको पहिलो खेल खेल्ने छ भने मंसिर ५ गते दशरथ रंगशालामा यमनसँग खेल्ने छ । कार्यक्रममा एन्फाका अध्यक्ष पंकजविक्रम नेम्वाङले राष्ट्रिय टिमले पहिलो र दास्रो यो समूहमा छनोट भएर आफूहरुको मेहनतलाई मैदानमा प्रमाणित गर्न आग्रह गरे । उनले भने, ‘यो पटक हामी खेलेर जितेरै दोस्रो चरणमा पुगेका छौं । हाम्रो राष्ट्रिय टिमले जुन मेहनत गर्यो यो पटक तपाईहरुलाई धेरै बधाई । यो टिमसँग विश्वास छ हामी पहिलो र दोस्रो यो समूहमा हुन्छौं भन्ने । मैदानमा आफूलाई प्रमाणित गरेर देखाउनुहुन्छ भन्ने विश्वास छ ।’
यूएईसँग छनोट खेल्ने नेपाली टोलीमा किरणकुमार लिम्बु, मनिष डाँगी, दीप कार्की, अभिषेक बराल, योगेश गुरुङ, सनिश श्रेष्ठ, सेसेहाङ आङदाम्बे, रोहितचन्द, अन्जन राई, आशिष चौधरी, ऐरिक विष्ट, छिरिङ लामा, लकेन लिम्बु, उत्सव राई, क्रितिश रत्न छुन्जु, निशान हमाल, अन्जन विष्ट, आयुष घलान, अमृत श्रेष्ठ, जिलेस्पीजंग कार्की, हिसुब थपलिया, सञ्जीव विष्ट र राजेश परियार छन् ।
सम्बन्धित खबर
इष्टर्न कलेज अफ इन्जिनियरिङ्गमा खेलकुद सप्ताह कार्यक्रम समापन समारोह तथा पुरस्कार वितरण सम्पन्न
विराटनगर - इष्टर्न कलेज अफ इन्जिनियरिङ्गमा खेलकुद सप्ताह समापन समारोह तथा पुरस्कार वितरण सम्पन्न भएको छ। विगतको वर्ष जस्तै यस…
हिसान फुटसलमा सगरमाथा, कास्की मोडनाइज, गुरुकुल र अरनिको सेमिफाइन प्रबेश
पोखरा - उच्च शिक्षालय तथा माध्यमिक शिक्षालय संघ (हिसान) गण्डकीको आयोजनामा तेस्रो प्रदेशस्तरीय हिसान प्लस टु तथा कलेज…
क्लासिक टेक “ह्याकाथन प्रतियोगिता २०२५ “ हुने
काठमाण्डौ - देशकै ठुलो तथा अग्रणी इन्टरनेट सेवा प्रदायक कम्पनी क्लासिक टेक नेपाल र टेक्नोफेस्ट संगको सहकार्यमा "ह्याकाथन प्रतियोगिता २०२५”…