स्याङ्जा
स्याङ्जामा सामाजिक रुपमा क्रियाशिल संस्था मनकुमारी स्मृति ट्रष्ट स्याङ्जाले स्याङ्जाको गल्याङ नगरपालिका वडा नं.८ स्थित चण्डिका आधारभूत विद्यालयमा एक लाखको अक्षयकोष स्थापना तथा सम्झदारी पत्रमा हस्ताक्षर गर्ने कार्य तथा सहयोगी मनहरुलाई सम्मान कार्यक्रम सम्पन्न गरेको छ।
कार्यक्रमका प्रमुख अतिथि मनकुमारी स्मृति ट्रष्ट स्याङ्जाका अध्यक्ष दिपक जङ्ग विश्वकर्माले मानव जीवनमा केही न केही अनुकरणीय र उदाहरणीय कार्य गर्नु पर्ने कुरा बताउनु बताए ।
स्वर्गीय आमा मनकुमारी विश्वकर्माको नाममा स्थापना भएको संस्थाले समाजमा विपन्न,गरिब जेहेन्दार विद्यार्थीहरुलाई शिक्षा दिक्षामा सहयोग गर्ने र समाजका आपत विपतमा सहयोग गर्ने उदेश्यका साथ संस्था स्थापना गरिएको कुरा बताए।
१ करोडको कोष निर्माण गरेर स्याङ्जाका विभिन्न क्षेत्रमा सहयोग तथा अक्षयकोष स्थापना गर्ने तथा रचनात्मक र सिर्जनात्मक रुपमा शिक्षण सिकाई सञ्चालन गर्नका लागि संस्थागत रुपमा आजिवन सहयोग गर्ने उदेश्यका साथ ट्रष्टद्वारा सहयोग उपलब्ध गराउने कुरा बताएका थिए।
आफू रोजगारीको सिलसिलामा अमेरिकाको बासिङ्टन डिसीमा रहेता पनि समाजसेवा गर्ने प्रेरण आफ्नो आमाबाट पाएको बताउँदै समाजका सारोगारो परेको बेला साथ सहयोग गर्ने कुरा बताउदै आफूले स्थापना गरेको कोषलाई सहि रुपमा सञ्चालन गर्नका लागि आग्रह गरे ।
कार्यक्रममा युवा तथा खेलकुद पुर्व मन्त्री जगत विश्वकर्माले शैक्षिक विकासले मात्रै हरेक मानिसलाई सहि मार्गमा अगाडि बढ्न टेवा पुग्ने बताउदै आफूले पनि भोलिका दिनमा गरिब दीन दु:खीहरुको हितमा कामगर्ने कुरा बताए ।
कार्यक्रममा गल्याङ नगरपालिका वडा नं.४ का वडा अध्यक्ष झिम बहादुर थापा, मुक्ति समाज प्रदेश कमिटी सदस्य धनमाया विश्वकर्मा लगायतले शुभकामना मन्तव्य राखेका थिए।
कार्यक्रमको उदेश्य माथी प्रकाश तथा संस्थाको बारेमा जानकारी लेखक तथा विश्लेषक शुसिल वि.के ले जानकारी गराएका थिए भने समझदारी पत्रमा संस्थाका अध्यक्ष दिपक जङ्ग विश्वकर्माले र विद्यालयका प्रअ विष्णु कुमारी श्रेष्ठले हस्ताक्षर गरेका थिए।
विद्यालय व्यवस्थापन समितिका अध्यक्ष नारायण वि.क को अध्यक्षतामा भएको कार्यक्रमको स्वागत मन्तव्य विद्यालयका प्रअ विष्णु कुमारी श्रेष्ठले र कार्यक्रमको सञ्चालन विद्यालयका शिक्षक टिकाराम अधिकारीेले सञ्चालन गरेका थिए।
सम्बन्धित खबर
रबि लामिछानेको बयान यस्ताे आयाे अन्याय भएकै हो त ?
काठमाडौं । पूर्वगृहमन्त्री एवम् रास्वपाका सभापति रवि लामिछानेले आफूलाई रातारात अपहरण शैलीमा पोखरा लगिएको बताएका छन् । आइतबार कास्की जिल्ला…
सुन्तला व्यवसायी स्याङ्जाका अर्यालले कमाउछन बार्षिक पाँच करोड भन्दा बढी
स्याङ्जा - यहाँका सुन्तला व्यवसायी एवं अगुवा किसान फणिनारायण अर्यालले बर्सेनि रु.पाँच करोडसम्म सुन्तलाको कारोबार गदै आउनुभएको छ । जिल्लाको…
जिल्ला प्रहरी कार्यालय, कास्कीको हिरासतमा रहनुभएका रास्वपा सभापति रवि लामिछानेको सन्देश
पाेखरा। केही मिडियाले संगठित रुपमा आक्रमण गरेको खबर रवि दाइले जानकारीमा राख्नु भएको छ। हिरासत बाहिर हुँदा उहाँले हरेक…