काठमाडौं । दक्षिण एसिया अन्तर्राष्ट्रिय पुस्तक प्रर्दशनी–२०२३ को सम्पूर्ण तयारी पूरा भएको छ । प्रर्दशनी मंसिर पाँच गतेदेखि नौ गतेसम्म चारदिन काठमाडौंको भृकुटीमण्डपमा हुन लागेको आयोजकले जानकारी गराएको हो ।
नेपाल पुस्तक तथा स्टेसनरी व्यवसायी महासंघ र करेन्ट मिडिया एण्ड रिसर्च सेन्टर प्रा.लिको संयुक्त आयोजनामा हुन लागेको प्रर्दशनीको उद्घाटन मंगलबार दिउँसो प्रधानमन्त्री पुष्पकमल दाहाल प्रचण्डले गर्ने महासंघका महासचिव शिवसागर शर्माले बताए । सामाजिक रूपान्तणका लागि चेतना, चेतनाका लागि गुणस्तरीय शिक्षा र गुणस्तरीयशिक्षाका लागि गुणस्तरीय शैक्षिक सामग्रीको आवश्यकता पर्ने कुरालाई आत्मसात गरी प्रर्दशनी आयोजना गर्न लागेको आयोजकले जनाएको छ । पुस्तक प्रदर्शनीमा दक्षिण एसिया क्षेत्रका भारत, बंगलादेश,चीनसँगैअमेरिका, इजिप्ट आदि देशसहित १५ भन्दा बढी देशका प्रकाशक,उत्पादक तथा वितरकहरूको सहभागिता जनाउनेछन् ।
सो बृहत् पुस्तक तथा शैक्षिक सामग्री प्रदर्शनीमा१८० भन्दा बढी स्टलहरूमा देश तथा विदेशका उत्पादित पुस्तकका साथै शैक्षिक सामग्री प्रदर्शनमा राखिने र १५ लाखले उक्त प्रदर्शनी अवलोकन गर्ने महासचिव शर्माले बताए ।
उनले भने, ‘प्रदर्शनीमा देशभरबाट मात्र नभई दक्षिण एसियाली क्षेत्रका राष्ट्रहरूको समेत सहभागिता रहने भएकाले स्वदेशी तथा विदेशी शैक्षिक सामग्रीहरूको आयात, निर्यात, वितरणमा सहकार्य एवं सहजीकरणको वातावरण बन्नुका साथै यस महोत्सवले दक्षिण एसियाली राष्ट्रहरूबीच शिक्षा, साहित्य, संस्कृति र सञ्चार आदानप्रदानको माध्यमबाट समेत आपसी सम्बन्ध प्रगाढ बनाउनमा महत्त्वपूर्ण भूमिका खेल्ने विश्वास हामीले लिएका छौं । यस प्रदर्शनीमा १५ लाख अवलोकनकर्ताले अवलोकन गर्ने आँकलन हामीले गरेका छौं ।’
महोत्सवराष्ट्रिय शिक्षा क्षेत्रका सरोकारवाला निकायहरूका लागि उपयुक्त सल्लाह, सुझाव उपलब्ध गराउने स्थल बन्नुका साथै नेपालका शैक्षिक संस्थाहरु, सामुदायिक तथा संस्थागत विद्यालय, कलेज, शिक्षक, विद्यार्थी, अभिभावक एवं आम पाठकसम्मका लागि साझा चौतारी एवं शिक्षा, साहित्य, संस्कृति र सञ्चारको माध्यम बन्ने अपेक्षा आयोजकको रहेको छ ।
सम्बन्धित खबर
देउवालाई स्वयंसेवी रक्तदाता समाजद्वारा राज्यले नि:शुल्क रगत र रक्त-तत्वहरू गर्नु पर्ने ज्ञापन पत्र बुझायो
काठमाडौं- नेपाल स्वयंसेवी रक्तदाता समाजले आज नेपाली काँग्रेसका सभापति शेरबहादुर देउवा समक्ष रगत र रक्त-तत्वहरू निःशुल्क उपलब्ध गराउँनका लागि पहल…
निजी क्षेत्रलाई अघि बढाएर मात्र पर्यटन क्षेत्रको बिकास गर्न सकिन्छ : मन्त्री पाण्डे
कपिलवस्तु । संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले निजी क्षेत्रलाई अगाडि बढाएर देशको पर्यटन क्षेत्र बिकास गर्न सकिने…
तारकेश्वर नगरपालिकामा तेश्रो मेयर रनिङ शिल्ड प्रतियोगिता शुरु (फोटो फिचर सहित)
काठमाडौं - तारकेश्वरमा तेश्रो मेयर रनिङ शिल्ड प्रतियोगिता शुरु भएको छ। आज प्रतियोगिताको समुद्घाटन नगरप्रमुख कृष्णहरि महर्जनले गर्नु भएको हो।…