काठमाडौं । सञ्चार तथा सूचना प्रविधि मन्त्री रेखा शर्माले सरकारले सूचना प्रविधि क्षेत्रलाई प्राथमिकताका साथ अघि बढाएको जिकिर गरेकी छन् ।
काठमाडौंमा मंगलबार आयोजित प्रविधिको पूर्वाधार विकासका लागि नेपाल–भारत सहकार्य सम्बन्धी एक कार्यक्रममा उनले सरकारले सूचना प्रविधिको क्षेत्रलाई महत्वका साथ हेरेको बताइन् ।
उनले भनिन् ‘सूचना र प्रविधिको क्षेत्रलाई नेपाल सरकारले महत्वका साथ हेरेको छ । सार्वजनिक सेवा प्रवाहमा प्रविधिको प्रयोगलाई आत्मसात गर्दै आएको छ । परिणामस्वरुप सार्वजनिक सेवामा विद्युतीय प्रणालीको प्रयोगमा विकास भएको छ ।’
दिगो विकास लक्ष्यको सफल कार्यान्वयनका लागि समेत डिजिटल प्रविधिको विकासलाई प्राथमिकतामा राख्नु आवश्यक रहेको भन्दै उनले सरकारले नीति तथा कार्यक्रममै प्रविधि क्षेत्रको विकासमा जोड दिएको बताइन् ।
‘दिगो विकासको लक्ष्य २०३० को सफल कार्यान्वयनका लागि समेत डिजिटल सार्वजनिक पूर्वाधारलाई प्राथमिकतामा राख्नुपर्ने छ । चालु आर्थिक वर्षको नीति तथा कार्याक्रम र बजेटले पनि यसलाई सम्बोधन गरेको छ,’ उनले भनिन् ‘डिजिटल सार्वजनिक पूर्वाधारलाई सुरक्षित र अन्तरक्रियात्मक बनाउदै समग्र प्रणालीप्रतिको विश्वास वृद्धि गरि सुशासन र विकासमा टेवा पु¥याउने सरकारको लक्ष्य छ । डिजिटल प्रविधिलाई बढावा दिन सरकारले विभिन्न कार्यक्रम अगाडि सारेको छ, देशका सबै भूभागमा समान शैक्षिकस्तर पु¥याउन सरकारले इ–लर्निङ प्लेटफर्म विकास गर्ने सरकारको लक्ष्य छ ।’
डिजिटल फ्रेमवर्कमार्फत शिक्षा, स्वास्थ्य, कृषि पर्यटन लगायतका क्षेत्रलाई डिजिटल बनाउदै आर्थिक समृद्धिको बाटोमा अगाडि बढ्ने लक्ष्य रहेको उनले सुनाइन ।
‘डिजिटल पूर्वाधारको निर्माण र सुरक्षित प्रयोगका लागि नीतिगत, कानूनी र संरचनागत व्यवस्था तयार गर्ने कार्यलाई सरकारले गम्भीरतापूर्वक हेरेको छ । हामीले पहिलो पटक नेपालमा राष्ट्रिय साइबर सुरक्षा नीति पनि जारी गरेका छौं,’ उनले भनिन् ‘कागजरहित नेपालको विकास गर्ने सन्दर्भमा एकीकृत कार्यालय व्यवस्थापन प्रणाली सुरु गरेका छौं ।’
डिजिटल पूर्वाधार निर्माण र सुरक्षित प्रयोगका लागि नीतिगत र कानूनी संरचना निर्माणका लागि सरकार गम्भीर भएर लागेको उनको भनाइ थियो ।
सम्बन्धित खबर
हल्ट प्राइज आइओई पुल्चोक क्याम्पसमा आगामी जनवरी २४ मा ‘डिजाइन थिङ्किङ’ विषयक उद्यमशीलता वार्ता
ललितपुर – हल्ट प्राइज आइओई पुल्चोक क्याम्पसद्वारा आयोजना गरिने ‘डिजाइन थिङ्किङ’ विषयक उद्यमशीलता वार्ताको तेस्रो सत्र आगामी जनवरी २४…
विराटनगरमा नेपालकै सबै भन्दा ठुलो औद्योगिक प्रदर्शनी हुने
विराटनगर । विराटनगरमा नेपालकै सबै भन्दा ठुलो औद्योगिक प्रदर्शनी हुने भएको छ। माघ ११ देखि २० गतेसम्म हुने आठौ…
हल्ट प्राइज आइओई, पुल्चोक क्याम्पसद्वारा आयोजित ‘इन्ट्रप्रेनरशिप टक सिरिज’ को दोस्रो संस्करण सफलतापूर्वक सम्पन्न
काठमाडौँ– एम्बार्क कलेजको हलमा हल्ट प्राइज एट आइओई, पुल्चोक क्याम्पस द्वारा आयोजित इन्ट्रप्रेनरशिप टक सिरिज को दोस्रो सत्र सम्पन्न…