काठमाण्डौं । मधेस प्रदेशको मुख्यमन्त्रीमा सतिश सिंह नियुक्त भएका छन् । जनमत पार्टीका सांसद सिंह नयाँ मुख्यमन्त्री नियुक्त भएका हुन् । प्रदेश प्रमुख सुमित्रा सुवेदी भण्डारीले सिंहलाई शुक्रबार मुख्यमन्त्री नियुक्त गरेकी हुन् ।
सिके राउत नेतृत्वको जनमत पार्टी पहिलो पटक मधेस प्रदेशको नेतृत्वमा पुगेको हो । आफ्नो पक्षमा सरकार बनाउने सङ्ख्या पुगेपछि प्रदेशको नयाँ मुख्यमन्त्रीमा प्रदेश सभा सदस्य सिंहले आज दाबी पेस गरेका थिए । हिजो जनमत पार्टीलाई ठूला पार्टीहरूको समर्थन प्राप्त हुने निश्चित भएपछि उक्त पार्टीका सदस्य सिंहलाई मुख्यमन्त्रीमा अघि सारिएको हो ।
मधेसका मुख्यमन्त्री सरोजकुमार यादवले विश्वासको मत पाउन नसकी पदमुक्त भएपछि प्रदेश प्रमुख सुमित्रा सुवेदीले शुक्रबार बिहान १० बजेसम्म सरकार बनाउन दाबी पेस गर्न समय दिएकी थिइन् ।
प्रदेश सरकारमा को को रहने भनेर रातभर नै दलका नेताहरूको विभिन्न चरणमा छलफल भएको थियो । सरकारमा भागबण्डा मिल्ने अवस्था बनिसकेकाले आज प्रदेश सभा सदस्य सिंहले प्रदेश प्रमुख समक्ष सरकार बनाउने सङ्ख्या प्रस्तुत गर्दै दाबी पेस गरेका हुन् ।
सम्बन्धित खबर
विश्वको सवैभन्दा अग्लो पुलमा पर्यटकको भीड
एजेन्सी । चीनले बनाएको विश्वको सवैभन्दा अग्लो पुलमा घुम्न आउने पर्यटकहरुको भीड लागेको छ । चीनका दुईवटा पहाडी प्रान्त…
घटस्थापनादेखि पूर्णीमासम्म रात्रिकालीन उडानको व्यवस्था मिलाएको छः मन्त्री पाण्डे
काठमाडौं– संस्कृति पर्ययटन तथा नागरिक उड्डनमन्त्री बद्री पाण्डेले घटस्थापनादेखि पूर्णीमाको दिनसम्म रात्रिकालीन उडानको व्यवस्था मिलाएको बताउनु भएको छ । मन्त्री…
सडक पूर्ण रुपमा संञ्चालन नभएसम्म हवाइ टिकट सस्तोमा बेच्न वायु सेवा कम्पनी सहमत
काठमाडौं, असोज १५ गते संस्कृति, पर्यटन तथा नागरिक उड्डनमन्त्री बद्री पाण्डेको निर्देशन विशेष पहलपछि सडक सञ्जााल सञ्चालनमा नआएसम्म सरकारले…