काठमाडौं । सहकारी संस्थाको बचत रकम अपचलन गरेको आरोप लागेपछि विगत १६ महिनादेखि फरार रहेका बागलुङको ढोरपाटन नगरपालिकाका मेयर देवकुमार नेपाली भारतको नयाँ दिल्लीमा भेटिएका छन् ।
इन्टरपोलमा ‘रेड नोटिस’ जारी भएका नेपालीलाई भारतीय प्रहरीले शुक्रबार पक्राउ गरेको हो । भारतीय प्रहरीले नेपाली पक्राउको जानकारी नेपाल प्रहरीलाई दिएको हो ।
नेपाल प्रहरीका एक उच्चाधिकारीका अनुसार उनलाई दिल्लीस्थित नेपाली दूतावाससँग समन्वय गरी नेपाल ल्याउने प्रक्रिया थालिएको छ ।
मेयर नेपालीविरूद्ध १२ माघ २०८० मा ‘रेड कर्नर नोटिस’ जारी भएको थियो ।
सहकारी ठगी प्रकरणमा जोडिएपछि उनी ५ जेठ ०८० देखि फरार थिए ।
बगलुङ र पोखरामा रहेको इमेज बचत तथा ऋण सहकारी संस्थाका संस्थापक अध्यक्ष नेपालीसहित ११ जना सञ्चालक विरूद्ध गत वर्ष असार २५ मा बागलुङ जिल्ला अदालतमा मुद्दा दर्ता भएको थियो ।
बचतकर्ताको दुई अर्ब रूपैयाँभन्दा बढी रकम हिनामिना गरेको आरोप मेयर नेपाली माथि लागेको छ ।
सम्बन्धित खबर
विश्वको सवैभन्दा अग्लो पुलमा पर्यटकको भीड
एजेन्सी । चीनले बनाएको विश्वको सवैभन्दा अग्लो पुलमा घुम्न आउने पर्यटकहरुको भीड लागेको छ । चीनका दुईवटा पहाडी प्रान्त…
घटस्थापनादेखि पूर्णीमासम्म रात्रिकालीन उडानको व्यवस्था मिलाएको छः मन्त्री पाण्डे
काठमाडौं– संस्कृति पर्ययटन तथा नागरिक उड्डनमन्त्री बद्री पाण्डेले घटस्थापनादेखि पूर्णीमाको दिनसम्म रात्रिकालीन उडानको व्यवस्था मिलाएको बताउनु भएको छ । मन्त्री…
सडक पूर्ण रुपमा संञ्चालन नभएसम्म हवाइ टिकट सस्तोमा बेच्न वायु सेवा कम्पनी सहमत
काठमाडौं, असोज १५ गते संस्कृति, पर्यटन तथा नागरिक उड्डनमन्त्री बद्री पाण्डेको निर्देशन विशेष पहलपछि सडक सञ्जााल सञ्चालनमा नआएसम्म सरकारले…