काठमाडौं– स्थानीय तह उपनिर्वाचन,२०८१ लाई स्वच्छ, निष्पक्ष, स्वतन्त्र र भयरहित वातावरणमा सम्पन्न गर्ने उद्देश्यले मिति २०८१/०८/०२ देखि सम्बन्धित जिल्लाहरुमा निर्वाचन आचारसंहिता लागू भएको छ। स्थानीय तह उपनिर्वाचन, २०८१ को प्रचारप्रसारको क्रममा काठमाण्डौ जिल्लामा आचारसंहिताको उल्लंघन भएको भनी आयोगमा सूचना प्राप्त भएकोले निर्वाचन आयोगबाट लागू गरिएको आचारसंहिताको पालना भए/नभएको सम्बन्धमा अनुगमन गर्न काठमाण्डौ-१६ र किर्तिपुर नगरपालिकाका लागि देहायका सदस्यहरु रहेको अनुगमन टोली गठन गरी परिचालन गरिएको छ। निर्वाचन प्रचारप्रसारसँग सम्बन्धित गतिविधिहरुको अनुगमन गरी आचारसंहिता उल्लंघन गरेको पाईएमा निर्वाचन (कसुर तथा सजायँ) ऐन, २०७३ बमोजिम कारवाही गर्न अधिकार सहितको टोलीलाई निर्वाचन आयोगको मिति २०८१/०८/१२ को निर्णयले खटाइएको छ। त्यसै गरी उपनिर्वाचन हुने प्रत्येक स्थानीय तहमा निर्वाचन प्रचारप्रसारको सुक्ष्म अनुगमन भइरहेको छ।आचारसंहिताको उल्लंघन गरेको कारणबाट निर्वाचन स्वतन्त्र, स्वच्छ र धाँधलीरहित तवरबाट हुन नसक्ने कुरामा आयोग विश्वस्त भएमा आचारसंहिता उल्लंघन गर्ने उम्मेदवारको उम्मेदवारी निर्वाचन आयोग ऐन, २०७३ को दफा २३ बमोजिम रद्द गर्न सक्ने ब्यहोरा समेत सम्बन्धित सबैमा जानकारी गराइएको छ।
काठमाण्डौ जिल्लामा खटिएको अनुगमन टोलीः
समूह (१): काठमाण्डौ महानगरपालिका वडा नं.१६
१. सहसचिव श्री नारायण प्रसाद सापकोटा
२. सशस्त्र प्रहरी वरिष्ठ उपरीक्षक श्री दिग विजय सुवेदी
३. उपसचिव (कानून) श्री सीता पुन श्रीष
४. प्रहरी उपरीक्षक श्री सञ्जयसिँह थापा
समूह (२): किर्तिपुर नगरपालिका
१. प्रहरी वरिष्ठ उपरीक्षक श्री दीपक रेग्मी,
२. उपसचिव डा थानेश्वर भुसाल
३. उपन्यायाधिवक्ता श्री केदारकुमार अधिकारी
४. सशस्त्र प्रहरी उपरीक्षक श्री अशोक न्यौपाने
सम्बन्धित खबर
दुर्गा प्रसाई पुन : पक्राऊ
काठमाडौं । मेडिकल व्यवसायी दुर्गा प्रसाईंलाई आज रिहा भएलगत्तै पुनः पक्राउ परेका छन् । साइबर अपराधमा धरौटी बुझाएर निस्किनासाथ उनी…
तारकेश्वर नगरपालिका तेश्रो मेयर रनिङ शिल्ड प्रतियोगिता- २०८१ भब्य रुपमा सम्पन्न
काठमान्डौ - तारकेश्वर नगरपालिका तेश्रो मेयर रनिङ शिल्ड प्रतियोगिता- २०८१ भब्य रुपमा सम्पन्न भएको छ। तारकेश्वर नगरपालिकाको आयोजनामा २०८१ मङ्सिर…
अहिलेको गठबन्धनको सरकार भनेकै राजनीतिक स्थिरता र समृद्धिका लागि हो : मन्त्री पाण्डे
बाजुरा। संस्कृति, पर्यटन तथा नागरिक उड्यनमन्त्री बद्रीप्रसाद पाण्डेले कांग्रेस र एमालेबीच गठबन्धन गर्नुको पछाडि राजनीतिक स्थायित्व भएको प्रष्ट पार्नु भएको…